港姐决赛淘汰佳丽工藤佑采

《2018香港小姐竞选决赛》三甲终于出炉，不过，今次就梗系唔系同大家讲三甲嘅事啦！皆因落选港姐9号嘅工藤佑采实在太抢镜，非常之值得一提！昨晚，20位佳丽分两组进行才艺表演，而喺第二组嘅才艺表演中，工藤佑采嘅小提琴表演认真令各位观众非常眼前一亮！

工藤佑采所表演嘅小提琴确系神乎其技，拉到几乎无一粒音淮之馀，仲拉到好似劏鸡咁，只系难得佢仲可以咁专注同认真睇谱，十分佩服！

睇得出佢真系好落力表演小提琴俾大家听，只可惜水淮就令人跌哂眼镜。

当佢表演完毕，相信唔少观众都鬆一口气！不过工藤佑采拉小提琴拉到劏鸡咁都情有可原嘅，皆因佢自称细细个学过几年小提琴，最近先重拾琴弓，为左显技，都可算勇气可加。

表演完劏鸡嘅琴技后，工藤佑采都可能自知不妙，眉头一皱。

落选佳丽要再出场跳舞

其后，港姐12强诞生，大热几乎全部晋级，而工藤佑彩就无缘晋身。大会之后安排一众佳丽以泳装现身问答环节，而八位落选佳丽则要再出场跳舞，沦为dancers。

不过，唔知系咪同已出局同心情有所影响有关，未能晋身嘅八位佳丽皆表现牵强，跳到甩哂Beat！

工藤佑彩出局后跳舞黑面神上身

相信心情最大影响嘅就系工藤佑彩，未知系咪因才艺表演失准，未能顺利晋级而心情劲唔靓，出场跳舞时佢一直黑面兼零笑容，个样望落嬲爆爆咁。

出局后，工藤真系面对住镜头都唔识笑， 全程跳舞个样都几乎系嬲嬲猪咁！

港姐2018赛果 冠军17号陈晓华

2018年港姐冠军正式诞生， 由17号陈晓华夺得！样貌身材出众的陈晓华(Hera)，今夏于中大护理系毕业，更被爆有个明星前男友狄易达！

最后三强！

最后由陈晓华攞左冠军，由上年嘅冠军雷庄儿为佢加冕！

上年嘅雷庄儿正式卸任！

喺才艺表演环节，陈晓华表演空中瑜珈！

查看相片

友誼小姐 8號陳靜堯

任小學教師的8號陳靜堯雖未入12強，但在較早前泳裝會見傳媒中，獲20位候選佳麗投選佢做「友誼小姐」，可謂先拔頭籌。

何泳芍、陈苑澄 入5强

入围5强的候选港14号何泳芍（Honey）和15号陈苑澄表现淡定，发挥到水淮，其中Honey未能入三甲有点跌眼镜，连佢自己都话有少少失望！

身形匀称的Honey，拥有一身古铜色肌肤，任潜水教练的她被问到如何说服郑裕玲和汪明荃一齐学潜水，Honey话Do姐身形弗爆，著泳衣绝无问题！

在才艺表演环节，Honey一路唱歌一路玩杯子舞！

陈苑澄：边度跌低边度企番起身

15号陈苑澄赛前因挑战网上流行的「Kiki Challenge」，在汽车行驶时打开车门落地跳舞，将片段上载社交平台即惹来外界抨击，她事后喊住道歉，而呢晚她表示父母教佢要边度跌低，边度企番起身！